Yəmənı səhiyyə vəzorətxonə:təcavuzkardəkəson vəba noxəşəti ve be məsulin.
Jul 11, 2017 09:44 Asia/Tehran
Yəmənı səhiyyə vəzorətxonə sıxanəvot işarəş karde ki vəba noxəşəti ve be təcrubə nıbə məsələy və təcavuzkaron çəy dəlil hestin və ıştə sıxanon dəvomədə əlavəş karde yəmənı milləti muğavemət səudion və Amerkə plani navış qəte.
Bə Mehr aqentəti zinə xəbon əsosi yəmənı səhiyyə vəzorətxonə sıxanəvot Əbdilhəkim Əlkəhlani votışe: ım noxəşəti yəmənı məmləkətdə təcrubə bə ni və çəy əsosə səbəb bə yəmənı zid təcavuz kardə kəsonin və əvon qədə qədə bə yəmənı səhiyyə nizomi arəku şe bois bə.
Əlkəhlani əlavəş karde desbə ısət təğribən 297 həzo nəfər şək heste ki bə ım noxəşəti dıço bən və 1706 nəfər həm vəba noxəşəti nəticədə mardən.