Ali-Səud rejim ijən Ələvamiyədə 3 nəfəri şəhidış kardə.

Ərəbistoni şərğ Əlğətif ostani Seyhat məntəğədə Səudi Ərəbistoni hucumi nəticəku 3 nəfər şəhid və çand nəfər zəxmin bıən.

Bə Əlaləm raporti əsos Ərəbistoni mənbəon ımruj elanışon kardə de Səudi diktatoriyə hukuməti hərbion hucum və sərostə qolə ğande vasitə Ələvamiyədə sakinə şiəyonku Cəfər Mobəyrik, Həsən Muhəmməd və Sadığ Dərviş şəhid bıən.

Ələvamiyə şiə ənıştə məntəğədə ısət 6 sore ki jıqo represivə hərəkəton heste boçi ki hucuməti siyasətonədə islohoti piyə tərəfon etıroz aksiyaon de Ali-Səud rejimi ğeyzinə rəftoron dim bə dim bıdə.

Səudi Ərəbistoni hərbion tojədən Mayə manqi 10 minə rujiku bə Ələvamiyə huccumışon kardə.

Ali-Səud rejimi bəhonə kişvəri şərğiyə məntəğəonədə hərbiyə əməliyaton dəvom doero fəğət ovdonəkə proyekton ğeyd bıə və hol ım ki detos bə ısət fakton nışo doydə ki mısılmonə cəmaət və şiəyon məhv karde ijən şəhri cəmaəti tərkibi əvəz karde həminə siyasəton əsliyə illəte.