Ərəbistoni hərbion huccumi nəticəku ujnən Ələvamiyə məntəğədə 1 nəfər kıştə bıə.

Isət 6 nəfər Ələvamiyə şiə ənıştə məntəğədə de Ərəbistoni cinoyəton vasitə kıştə bən.

Bə Əlməyadin televeziya kanali raporti əsos Ələvamiyə məntəğə işğal və mıhosirə karde dəvomədə ijən Səudi Ərəbistoni hərbion qullə ğande nəticəku Muhəmməd Əlrəhimiyan çın məntəğə qıləy şəhrvandon kıştə bıə.

Səudi Ərəbistoni hərbion həmzəman de maşinon bə məskuniyə məntəğəon huccum kardən və cəmaətiku məcburi surətədə ıştə kəon teyli karde tələb kardən.

Rəkıtiyə huccum iyən qullə ğande ijən Ələvamiyə şiə ənıştə məntəğədə dəvomış heste.

Jıqonə həmləon dəvardə İyoniku bino bıə.

Ələvamiyə çı Ərəbistoni Əlşərğiyə ostanədə və Ərəbistoni şiəyon məskun bıə vırəonku qıləy ni heste.