Ələğsa Məçitədə Fələstinıjə hırdənon cəm bən.

Çand həzo hırdən Ələğsa Məçiti dılədə cəm bıən və bə ım mığəddəsə vırə himoyədorti karde xoto aksiya dəvoniyəşone.

Bə Fələstin məlumat ərosnə mərkəzi raporti əsos həminə qırdbemoniku hədəf bə Ələğsa Məçiti mudafiə karde ijən məçitədə hırdon daemiyə huzuri vey karde ğeyd bıə.

Xəbə omə ki siyonist rejimi hərbion hırdənon vədə mane bey ğəsdışon be əmmo muvəffəğ bə nin.

İjən daveon nəticəku çand nəfər dəstqir və zəxmin bıən.

Eyne holədə siyonist rejimi hərbion və nımojəvoton miyono daveon nəticəku ijən Ələğsa məçiti ətrofədə etıroz aksiyaon bə vıcud omə.

Siyonist rejimi hərbion ijən zinə ruj çı Ələğsa məçiti Bab-Əlməğarebi kəy bə bastəşone.

2015 minə sori Oktiyabriku ijən tojə Fələstin milləti İntifazə bino bey nəticəku detosə bə ısət 350 qılə Fələstinıj şəhid bən.