Ərəbistoni Ələvamiyə məntəğədə insoniyə vəziyət çok ni.

Ələvamiyə şiə ənıştə məntəğədə Ali-Səud rejimi hərbion huccumi nəticəku Ərəbistoni qıləy bəşər huğuği mudafiə əkə fəal Əmir Nemr ım qədə şəhrədə insoniyə vəziyəti dəheştin bey barədə xəbəş do.

Bə Mehr aqentiyəti raporti əsos Əmir Nımer bə Donald səfəri bəpeştə bə şiəyon çımiku vey fişar varde ijən məhdudiyəton vey bey işorəş kardə iyən votışe: Ələvamiyə məntəğədə jimon kardə kəson avarə bey holədən.

Nemr bə Ğətif məntəğədə cəmaəti tələb bo islahaton dəvoniye iyən sakinon ğanuniyə həx və huğuği bəji karde işorəş kardə ijən təsdiğ kardə ki ım tələb fəğət bo şiəyonro ni ijən çı sınniyə cəmaəti həxon bəji karde həm bois bıdə.

Bə Əlbəna rujnomə nıveştəyon əsos dəvardə 3 manqi mıddətdə Ali-Səud rejim Əlşərğiyə ostanədə bə şiəyon kışte, dəstqir karde ijən dızdiye siyasət məşğul bıə ki de beynəl xalğiyə ğanunon bərobər ni.

Ali-Səud rejim de icboriyə kuç və cəmiyəti tərkibi əvəz karde siyasəton həm, Ərəbistoni şərğədə şiəyon miğdori kam karde pidə.

Ərəbistoni hərbion dəvardə İyoniku bə Ələvamiyə şəhri əleyh qonə hucumon binoşon kardə.