Səudiyyə Ərəbıstoni bə yəmənı Həccə ostan həvoiyə hucum.

Yəmənı Həccə ostanədə Midi şəhr çandəkərə de Səudiyyə Ərəbıstoni hərbiyə təyyarəon hucum dim bə dim be.

Bə Əlməsirə TV kanali elanon əsosi Səudiyyə Ərəbıstoni təcavuzkarə hərbiyə təyyarəon zinə bə yəmənı Həccə ostani Midi şəhr 9 kərə hucum kardən ki nəticədə bə məntəğə ğeyre hərbiyə binaon iyən əsosə mərkəzon ziyan qıniyə.

ım təcavuzkarə hərəkəton cəvobədə yəmənı silahlinə ğıvvon iyən yəmənı milləti tərəfo təşkil bə komitəon uzvon Ərəbıstoni cənub cizanı Əlmosim məntəğədə bə Səudiyyə Ərəbıstonı hərbion cəm bə vırə de rəketi hucum kardən.

ım hucumədə bə təcavuzkarə ğıvvon tələfat iyən ziyan qıniyəy.

yəmənıjə ğıvvon həmçinin yəmənı Təez nomo bə cənubiyə ostani Əlvazeiyyə məntəğədə Səudiyyə Ərəbıstoni çandə 10 qılə muzdori bə həlokət rosnedən iyən xəylion həm yarəjə kardən.

Səudiyyə Ərəbıstoni muzdoronku həm 3 nəfər Midi səhra şimalədə de yəmənı sınaperon dasi bə həlokət rəsedən və bə çəvon cəm bə vırə de artileriya hucum bedə.