İraği Təlle Əfər komilən ozod bıə.

İraği Ğadimon nomo bıə əməliyati fərmondə Neynəva(İraği şimal) ostanədə Təlle Əfər şəhri həmmə vırəon kamilən DAEŞ(İŞİD) terroristiyə qurupi dastiku ozod bey elanış kardə.

İraği Ğadimon nomo bıə əməliyati fərmondə Əbdul Əmir Rəşid Yarullah votşe: İraği hərbiyon iyən Həşduş Şəəbi ğıvvon əməliyaton bəpeştə çın şəhri Həyyul Əskəri iyən Əssəna Əşəmaliyyə məntəğon ozod kardeşone ki de tərtibi Təlle Əfəri həmmə 29 qılə məntəğon DAEŞ(İŞİD) terroristiyə qurupi dastiku ozod bıən.

İraği mudafiyə vəzir həm elanış kardə: kişvəri əsqəron ısət çı Təlle Əfər şəhri həmməy vırəon kontoroli xıvandin.

Livani Əlməyadin Televeziya kanal həm ozod bıə məntəğonku tojə şikil və filmon muntəşir kardə ki İrağıjon xoşhalionku hikayət kardedə.

İraqi dovtələbə bəsic ğıvvon rəis Falıh Əlfəyyaz həm Təlle Əfəri jığo rə ozod karde əməliyoti bə İraği hərbiyon ijən Həşduş Şəəbi təbrik votşe.

İraği Ğadimon nomo bıə əməliyat bo Neynəva(İraği şimal) ostanədə Təlle Əfər şəhri çı DAEŞ(İŞİD) terroristiyə qurupi dastiku ozod karde xoto Avqusti 20-nə rujiku bino bıə.