Səudiyyə Ərəbıstoni muzdoron yəmənıjə ğıvvon otəşi jiyo.
Sep 15, 2017 06:33 Asia/Tehran
Yəmənı silahlinə ğıvvon iyən mubarizəəkon rəketinə qrup bə Səudiyyə Ərəbıstonı hucumon cəvob doe xoto bə ım rejimi muzdoron mərkəz ərəbıstonı Əsir ostani Əlcərba hərbiyə mərkəzədə de rəket hucumışon barde.
Bə Əlməsirə kanali zinə xəbon əsosi yəmənı silahlinə ğıvvon iyən mubarizə əkon həmçinin ərəbıstonı Əsir məntəğədə Səbəhtəl və Əlmucazə nomo bıə məntəğonədə bə Səudiyyə Ərəbıstonı hərbion cəm bə vırə hucum bardən.
Səudiyyə Ərəbıston de Amerkə tərəfdarəti İbə milləton təşkilati tam jeədə 2015 minnə sori martə manqiku bə yəmənı zid hərbiyə hucumış təşkil doə və yəmənı bə kəno mandə bə president Əbde Rəbbə Mənsur Hadi oqırdıne vavunədə zəmin deyo və həvoku ım məmləkətış muhasirə kardə.