siyonist rejim Iraqi Kırdıston məntəğə co karde vey əsliyə tərəfdore.

Beynəlxalğ sahədə İroni Məclisi rəisi məxsusə məsləhətçi siyonist rejimi çı Iraqi Kırdıston məntəğə co karde vey əsliyə tərəfdor hisobış kardə.

Bə İrib raporti əsos, Beynəlxalğ sahədə İroni Məclisi rəisi məxsusə məsləhətçi Huseyn Əmir Əbdullahiyan zinə Ərbilədə bıə kırdıston məntəğə omə referendumi tərəfdaron cəmədə çı siyonist rejimi boydəği rost bey barədə votşe: İraği Kırdıston məntəğə rəis Məsud Barizani Telaviviku tələbış kardə ki Kırdıstoni co karde iyən referendumi barədə ıştə dəvrdə himoyəon oşko nıko ijən elan nıkə.

Çimiku bənav siyonist rejimi i minə vəzir Benyamin Netanyahu ijən çın rejimi prokurorəti vəzir Ayelet Şaked həm çı İraği kırdıston məntəğə coəkə referendumiku himoyədorətişon kardə be.

İraği kırdıston məntəğə bəzi partiyaon de Məsud Barizani ğəroli bərobər Sentiyabri 25ədə İraği kırdıston məntəğə mıstəğil bey referendumi təsdığ kardən.

İraği dıvlət, muxtılif partiyaon iyən İraği hamsuyə kişvəron de Im ğəroli muxalifətşon kardən.