Ərəbiston və Britaniya miyono hərbi əmniyyəti mığoviləon imzo bıə.

Ərəbiston və Britaniya zinə qıləy hərbi-əmniyyətiyə təvafuğnomə imzo kardışone.

Bə İrna raporti əsos ım təvafuğnomə Ərəbistonədə çı Səudi Ərəbistoni krali canişin Muhəmməd Bin Səlman və Britaniya mudafiə vəzir Maykel Faloni miyono imzo bıə.

Hələ ım təvafuğ qıləy şərayetədə imzo bıə ki Yəmən dəvardə 2 sori mıddətdə de Britaniya silohon vasitə vironə bıə ijən Səudi Ərəbistoni hərbi huccumon həmçınan dəvomış heste.

Həminə bombardımoni nəticəku Yəməni 12 həzo ğeyri hərbi kışte iyən çand milyon nəfər avarə bıən.

Bə rəsmi statstikaon əsos Britaniyavıjə kəmpaniyaon dəvardə 2 sori mıddətdə bə 6 milyard Funt sterlinq  nezi muxtəlifə silohon bə Ərəbiston həvatəşone.

Qılə holədəy vey insonə həxonku mudafiə əkə təşkilaton bə ım mıvzo etıroz kardəşone əmmo Ərəbiston çı Britaniya silohonku istifodə karde xoto vey yolə kişvər və mıştəriyə.