Ruhani: çı iraği kənoədə hestimon, Əl-İbadi Kırdon referendum ğanuni ni.

İroni prezident bə İraği milli vəhdət və ərazi təmamiyyəti zidd de harcurnə hərəkəton dəvoniye muxalifətış kardə ijən votışe: həmmə kəson bəbe oğo bıbun ki İrağədə çəvon ğanuniyə hestemon çı İraği kanistusiyə sayədə ğəbul bəbe.

İroni prezident Həsən Ruhani de İraği i minə vəzir Heydər Əl-İbadi telefoniyə rabitə cərəyonədə votışe: İron islam Respublika kamilən çı İraği mərkəziyə dıvlət iyən İraği peştədə bəmande.

Ruhani işorəş kardə ki İraği millət və dıvlət bənə dəvardə dıvrəon ijən de tədbir və hikmət ısətnə bıhraniku həm dəvardedə təsdiğış kardə: İraği kanistusiyə bəbe çı İraği şəhrvandon əsos bıbu ijən ım ğanuni rioyət nıkarde məni çərçiviku xaric bey heste.

Əv bə İron və Tırkiyə miyono votımon həm işorəş kardə və votışe: bənə Kırdon referendumi muhimmə mıvzo barədə həm İron ijən çı İraği dıvlətiku himoyə dorti bəkay.

Heydər Əl-İbadi həm çı İroni vindemoniku ğədrdonətiş kardə ijən təkid kardə: İraği Kırdıston məntəğədə Məsud Barezani siyasəton İrağədə tojə bıhranon soxte bois bəbe.

İraği i minə vəzir ım kişvərədə Kırdon vəy qətə barədə həm votışe: İraği dıvlət bə Məsud Barezani vey imtiyazon doəşe əmmo Kırdon ım referendum bə İraği kanistusiyə və ərazi təmamiyyəti əleyh qıləy ciddiyə hərəkət və təhdide.

Heydər Əl-İbadi ijən İraği Kırdıston məntəğədə referendumi çı İraği kanistusiyə rioyət nıkarde çərçivədə hisobış kardə və təkid kardə: ım referendumi nəticə ğəbul ni bəbe, çəy barədə muzakirə ni bəkamon ijən çı İraği sərzəmini çand poə karde imkonış ni.

İraği i minə vəzir ijən Tehron Bəğdadi miyono bə həmkarion inkişof doe təkid kardə.