Ərəbıstonı həvoiyə hucumon bə yəmənı ğeyre hərbiyə binaon.

sionist rejimi hərbiyə təyyarəon zinə yəmənı şimal hissədə ğeyre hərbiyə binaonışon bombardımon karde.

Bə Əlməsirə TV xəbon əsosi ərəbıstonı hərbiyə təyyarəon şanbə sın və əsrə vaxti 4 kərə bə yəmənı Sədə şimaliyə ostani Ketaf və Bağım məntəğon hucumışon barde ki ım hucumon nəticədə bə ım 2 qılə məntəğə ğeyre hərbiyə binaon veyə ziyan qıniyə.

ım mənbə bə ehtimaliyə tələfati işarəş kardə ni.

Əlməsirə TV kanal coqlə xəbədə elanış kardə bə Səudiyyə Ərəbıstoni təcavuzqərə ğıvvon cəvob doeyu yəmənı silahlinə ğıvvon iyən mubarizə əkon zinə əsrə vaxti Cizan sərhəddiyə məntəğədə Ərəbıstonı qıləy hərbiyə maşini arəku bardən ki ım hucumədə maşini həmmə sərnışinon kıştə və yarəjə bedən.