Yəmənı Təez ostanədə Səudiyyə Ərəbıstonı muzdoronku çandə nəfəri həlokət.

Yəmənı Ənsarullah hərəkati ğıvvon yolə hucumon nəticədə bə yəmənı kənomandə bə president Əbde Rəbbe Mənsur Hadi vabəstə bə ğıvvon zid ki Təez ostanədə təşkil bə Səudiyyə Ərəbıstoni muzdoronku xəylion bə həlokət rəsən.

Bə Rusiyə Sputnik aqentəti xəbon əsosi ım hucumon yəmənı cənub ğərb Təez ostani Əlsəlva məntəğə Əlsəyyar nomo bə di iyən Təbə məntəğədə təşkil bə.

həmzəman Ale Səud rejimi hərbiyə təyyaron yəmənı paytəxt Səna ostanədə bə yəmənı Ənsarullah hərəkati tərəf hucum bardən.

çı hucumi nəticədə şəhid bə kəson ədədiku heç qıləy  xəbə nəşr bə ni.

cotərəfədə yəmənı 3 qılə şəhrvandonku de Ərəbıstonı rəhbərəti ərəbə koalisiya ğıvvon  hərbiyə təyyarəon 2 qılə hucumədə bə Təez ostani Əlmuxa şəhri Əlməhcər məntəğə 3 nəfər şəhid və 1 nəfər həm yarəjə bedə.