17 milyom Yəmənıj vəşiyanin, Ərəbiston beynəl xalğ icmaonədə rışvə dodə.

İroni islamiyə şura məclesi xarıci siyasət və milli əmniyyət kamissiya moavin, Yəmənədə Ərəbistoni cinoyəton, çı Səudiyə rejim co qıləy səhvə hisob-kitob zınəş be ijən votışe: Ərəbiston bə çəy xoto ki beynəl xalğ icmaonədə kişvəron vindemoni cəlb bıkə rışvə dodə ijən vey kişvəronış pesoxtə bıə koalsiyaədə izofəş kardə-uzv kardə.

Kəmal Dehğani Firuz Abadi bə Mehr aqentiyəti votışe: ısət vey kişvəron ıştə ğələtə siyasəti dərəse bəpeşte ım koalsiyaku xaric bıən əmmo həğiğət ıme ki Ərəbiston hejo 17 milyon Yəmənıji mıhosirəş kardə ki vey dəhşətinə vəşiyani şərayetədə jidən.

İroni islamiyə şura məclesi xarıci siyasət və milli əmniyyət kamissiya moavin çı Yəməni bohrani yeqanə hələkə ro, siyasi muxalifon iyən qrupon miyono votımoni dəvoniyə zınəş be iyən votışe: Yəməni bohrani barde çı ğərbion sukut iyən beynəl xalğ təşkilaton bə kəno mande hejo çı Amerkə və ərəbistoni fişaron jentonədəy və fəğət İrone ki fəal iyən əktiv surətədə çandə beynəl xalğiyə onemononədə çı Yəməni məzlumə milləti həx-huğuğonış təğib kardedə.

Ərəbiston çı Amerkə himoyəon sayədə təğribən bə 3 sor neziye ki zəmin, diyo və həvoku bə Yəmən hucum və Yəməni milləti mıhosirəş kardə.