Bə yəmənı zid Səudiyyə Ərəbıstonı tojə cinayət
Səudiyyə Ərəbıston rejimi hərbiyə təyyarəon zinə şanqonə hucumədə bə yəmənı ğərb Əlhədidə ostan 9 nəfər ğeyre hərbi şəhid və 3 nəfər həm yarəjə bedən.
Səudiyyə Ərəbıstonı rejim de Amerkə tərəfdarəti və İ bə milləton təşkilati tam jeədə 2015 minnə sori martə manqiku bə yəmənı zid hərbiyə təcavuzış təşkil kardə və yəmənı bə kəno mandə bə president Əbde Rəbbe Mənsur Hadi oqırdıne vavunədə ım məmləkətış zəmin deyo və həvoku muhasirəş kardə.
ım hərbiyə təcavuz desbə ısət bə 13 həzo nəfərisən ve yəmənıjə şəhrvandon kışte çandə 10 həzo nəfəri yarəjə be milyonon yəmənıji avərəti və çı məmləkəti əsosə vıran xərobəti bois bə.
ərəbıstonı hərbiyə təcavuz eyne holədə yəmənı fəğırə məmləkətış de şiddəti xurək və dəmoni kam beədə dim bə dimış kardə və bə xəyli noxəşətion ve be bois bəy.
