Ğudsı barədə Donald Trampı ğəroli nəticədə Rəcəb Təyyib Ərdoğanı tənğidon dəvom.
Turkiyə president Amerkə prezidenti tojə ğəroliku ki ğudsış sionist rejimi paytəxt hisobış kardə be tənğidış karde və votışe: Amerkə de ım ğəroli dınyoədə yavli mande.
Bə telerədyo aqentəti xəbon əsosi Rəcəb Təyyib Ərdoğan zinə Turkiyə cənub şərğ Hakkari şəhrədə ədolət və inkişaf partiya iclosədə əlavəş karde dınyo məmləkəton ğudsı ğətnamə nav nıvıştəyon təsdiğ kardeədə Amerkə izofə tələbon vədə muğavimətışon karde və icazəşon nıdo Vaşinqton bə sionist rejimi faydon əsosi bəştə notəmizə hədəfon bırəso.
ğudsı ğətnamə nav nıvıştəyon 5 şanbə ruji İ bə milləton təşkilati umumiyə iclosədə de 128 qılə mısbətə sədo 9 qılə muxalifə sədo və 35 nəfəri be tərəf mande təsdiğ be.
Bə ım ğətnamə əsosi İ bə milləton təşkilat ğudsış bənə sionist rejimi paytəxt bə rəsmiyyət nibəzne.
