Russiyə Başğirıstan Respublikaədə farsi zıvoni təlimədə mərkəzon.
Russiyədə İroni mədəniyə məsol çın kişvərədə farsi zıvoni yodədə məxsusə bərnoməon iyən dıvrəon bino beyku xəbəş do.
Bə İrna raporti əsos Russiyədə İroni mədəniyə məsul qıləy bəyoniyədə elanış kardə: farsi zıvoni yodədə dıvrəon de İroni səfarətxanə mədəniyə məsul iyən Başğirıstani dıvlətiyə unniversiti ijən Ofa şəhri moəlim tərbiyə əkə unniversiti həmkarion 4 ruji mıddətdə təlim doe bəbe.
Bə həminə raporti əsos, ım məxsusə kelasonədə farsi zıvoni qramatikə şivə, çoknə neveşte Moləvi məsnəvi, farsi ədəbiyati tarix, İroni moasir ədəbiyat ijən Başğirıstani unniversityonədə bo farsi zıvoni ostadon iyən unniversity tələbəonro dərs doe tojə şivəon yod doə bıə ki moxatəbon və iştirok əkəyon diğğəti cəlbış kardə.
Isət çı Russiyə 20 qılə unniversityonədə farsi zıvon dərs doə bedə ki Başğerıstani Respublika bənə qıləy mısılmonə məntəğə çəvonku qıləyni hisob bıdə.
