Elmiyə məğaləon çap karde sahədə islamiyə kişvəronədə İroni i minə vırə.

İroni tib təlim və damoni baxşədə səhiyə vəzarətxanə texnoloqiya və təhğiğ muavin votışe: de 52160 qılə məğalə çap karde islamiyə kişvəronədə İron i minə vırə kəsbış kardə.

İroni tib təlim və damoni baxşədə səhihiyə vəzarətxanə texnoloqiya və təhğiğ muavin Reza Məlikzadə əlovəş kardə: İron ki çı dınyo cəmiyəti 1 faizi xıvande əmmo elmi istihsol kardero ımsor bə 2 faiz nezi səhmış be.

Məlekzadə votışe: dəvardə 4 sori mıddətdə həm tib və səhiyə sahədə İroni ali və alimə elitaon 180 nəfəriku bə 550 nəfər rəse.

İroni tib təlim və damoni baxşədə səhiyə vəzarətxanə texnoloqiya və təhğiğ muavin ijən təkidış kardə: ısət muxtəlifə elmiyə təhsilon səthədə İron dınyoədə 4 minə bəpeə vırəş heste ki bəbe bo ım səvodinə cəmiyəti fəaliyətonro fik bıbu.