Tırkiyə hərbi əməliyatədə Suriyə şimalədə çandə ğeyri hərbion kıştə bıən.

Suriyəku xəbə omə ki dəvardə i haftə mıddətədə ijən Suriyə şimalədə Tırkiyə hərbi əməliyati cərəyonədə 284 nəfər ğeyri hərbi çı Kırdə cəmaətiku kışte ya zəxmin bıən.

Bə Sana raporti əsos detosə bə ısət Tırkiyə həmləon cərəyonədə Əfrin və çəy ətrofədə bıə diyonku 86 nəfər Suriyəvıjə şəhrvandon kıştə ijən 198 nəfər zəxmin bıən.

Bə həminə xəbəon istinad Tırkiyə de muxtəlif silohon bə cəmaəti kəon huccumış kardə iyən çandə cəmaəti ğətliam karde vey umumi vırəonış vironə kardə.

Xəbəon jıqo hikayət kardə ki Əfərinədə ğeyri hərbi mardə kəsonku veyni hırdənon jenon və piyə cəmaətonin.

Tırkiyə hərbiyə əməliyati həmzəman Suriyə şimal Ğərbədə bıə Əfrin şəhri Kırdon həm qıləy bəyoniyə vasitə ım hərbiyə əməliyati vədə Suriyə dıvləti himoyə və koməki tələb kardən.

Bə Suriyə Kırdon zidd çı Tırkiyə zeytoni xol nomo bıə hərbiyə əməliyat yanvari 20-nə rujiku Suriyə şimal ğərb Əfrinədə bino be.

Suriyə dıvlət ım əməliyati məhkumış kardə.