Tırkiyə muxalif partiyaonku qıləyni, Ərdoğaniku tənğidış kardə.

Antaliyaədə Tırkiyə Səadət partiya moavin çı Tırkiyə daxıli və xarıci siyasətonış məğlub bıə siyasət zınəş be.

Bə İrib raporti əsos çı Tırkiyə Səadət partiya rəisi moavin Birol Aydin çın partiya iclosədə bə Tırkiyə tərəfiku zeytoni xolə bino bıə əməliyat işorəş kardə və votışe: Tırkiyə ədolət və inkişof partiya ım kişvəri dırıstə strateqiyaon royku xaricış kardə və ijən əmələn iğtisodi, iştimai və huğuği siyasətonədə məğlub bıə.

Əv çı Tırkiyə hakim partiya zəifə hərəkəton qılə bə qılə aşmarde bəpeştə bə ım kişvəri iğtisodi sistemi zəifəti və qədə qədə məğlubiyət işorəş kardə və əlovəş ka: zeytoni xolə nomo bıə əməliyatiku çı daxıli siyasət iyən omə səçınədə istifodə karde bənə sue-istifode ğədəğəne.

Bə Suriyə Kırdon zidd çı Tırkiyə zeytoni xol nomo bıə hərbiyə əməliyat yanvari 20-nə rujiku Suriyə şimal ğərb Əfrinədə bino be.

Xəbə omə ki Tırkiyə hərbiyə əməliyati həmzəman Suriyə şimal Ğərbədə bıə Əfrin şəhri Kırdon qıləy bəyoniyə vasitə ım hərbiyə əməliyati vədə Suriyə dıvləti himoyə və koməki tələb kardən.

Suriyə dıvlət ım əməliyati məhkumış kardə