Zərif: məntəğə kişvəron ıştə ixtilofon de votımoni həl bıkon.

İroni xarıci vəzir Muhəmməd Cəvad Zərif Əlcəzirə internetiyə xəbə mərkəzədə qıləy məğalədə təkidış kardə ki: məntəğə kişvəron miyono mıştərikə noğtəon bois bıə ki bo muzakirə kardero İron ıştə dasti bə hamsuyə kişvəron dıroz bıkəy.

Bə Fars aqentiyəti raporti əsos İroni xarıci vəzir votışe: İron canqi bino karde dıləş ni iyən məntəğə kişvəronış dəvət kardə ki canqi avəzi ıştə ixtilofon mizi səpe həl bıkon.

Zərif bə İron və ərəbə kişvəron miyono hamsuyə bey həxi işorəş kardə iyən beynəl xalğ ğanuni çərçivədə co kişvəron daxıli koonədə mıdoxilə nıkarde tələb kardə.

Əv bə ğərbi kişvəron hərbiyə huzur iyən mıdoxiləon həm işorəş kardə iyən çəvon məntəğədə huzuri canqi sayədə sulhi məhv əkə zınəş be.

İroni xarıci vəzir təsdiğış kardə: İron bovəş heste ki məntəğə kişvəron miyono mıştərəkə noğtəon ixtilafonku vey iyən be əsos niqəranion əvəzi karde bəzne mıştərəkə mənafe bois bıbu.