Bə Suriyə rəketiyə hucumi cərəyonədə Ərəbıstoni rol.
Əfğanıstani milli məclisi nəmoyəndə votışe: Suriyə və məntəğədə Amerkə hərbi macəraon puli Ərəbıston təmin kardə.
Movlana Əbdurrəhmani bə Suriyə zidd Amerkə, İnqiltərə və xəzanə tojə rəkıtiyə huccumi barədə əlovəş kardə: jıqonə təcavozi xərcon bəbe Ərəbistoni millət təmin bekun boçi ki Ərəbıston ım huccumədə Amerkə rəsmi şəxson təhrikış kardə.
Əfğanestani məclesi nımoyəndə Suriyədə bıə tojə bombardımoni pesoxtə bıə kimyəviyə silohon bəhonəonış Amerkə və Ərəbıstoni qəşə plan zınəş be iyən votışe: qıləy şərayetədə ki Suriyə kişvəri vey məntəğəon terroriston dastikəu xilos bıə Suriyə dıvlət hiç faxt bəştə milləti əleyh jıqonə silohonku istifodə nibəkan.
Movlana Rəhmani çı Amerkə tojə rəkıtiyə huccumi təcavuzkaron məğsədi təmin nıkə hisobış kardə və votışe: Amerkə de həminə bəhonə be İrağ təcavoz kardə əmmo hiç faxt ım kişvərədə kimyəviyə silohon pidoş nıkarde.
Amerkə deştə həmpeymonon şənbə 14 bə Suriyə ərazi tərəf 110 qılə rəkıtış ğandə ki 70 faiz çəvonku de Suriyə mudafiə sistemon bə hədəf nərəsi zəmoni məhv bıə.
