Amerkə ijən bo Suriyə Kırdon siloh vığandışe.
Bə Suriyə demokratikə ğıvvon komək kardero Amerkə ijən bə ım kişvəri şimal şərğ Həsəkə ostani siloh vığandışe.
Bə İrna raporti əsos ım silohon de 10 qılə kamazi bə təlləy bidər hərbiyə baza vığande bıə; ım baza, Həsəkə ğərbədə çı Suriyə kırdə xalığ nimə hərbion qıləy mərkəze.
Amerkə koməkon bə kəno 20 ruj bə nav həm Ərəbiston bə Mənbecədə bıə Kırdon həm silohinə koməkon vığandəş be.
Suriyədə Kırdon hejo çı Amerkə və Amerkə həmpeymonon himoyəon xıvandin.
De İŞİD mubarizə barədə bəhonə Amerkə pesoxtə bıə koalisiya tojədən elanış kardə "sərhəddi əmniyyətiyə ğıvvon" soxtə vasitə Suriyədə Kırdon sakin bıə məntəğəonədə 30 həzo əsqəri bərğəror karde fikədəy və hol ım ki Suriyədə Amerkə hərbi huzur jıqo ki Suriyə dıvlət həm elanış kardə ğeyri ğanuni və be icozəy və bənə Suriyə işğal karde mandəy.
