Tırkiyə İstanbulədə bıə islamiyə həmkari təşkilati tojə iclosi bəyoniyə.
İslamiyə həmkari liqa çəş nıkardə iclos de 30 qılə maddəş bıə bəyoniyə sadir karde zinə şəv Tırkiyə İstanbulədə bə oxo rəsə iyən islami kişvəron çı sionist rejimi cinoyəton barədə təhğiğ kardero qıləy təğib kamissiya təşkil doe tələb kardən.
Bə İrna raporti əsos islamiyə həmkari təşkilatidə uzv bıə kişvəron çı İ Bıə Milləton Təşkilati əsli orqanon əcumlə Əmniyyət Şura, rəis, umumi icma, bəşər həxon şura, bəşər həxon aliyə kamissiya iyən bəşər həxon diyə əkə təşkilatiku tələb kardən ta Fələstinədə sionist rejimi cinoyəton təğib bekən.
Əvon ım bəyoniyədə umum iştimaiyətiku Fələstin milləti coni oqəte iyən sulh tələbə xususi ğıvvon bə işğal bıə ərazi tələb kardə.
Tırkiyə zinə iclosədə bıə islamiyə kişvəron Fələstinədə milləti ğətliam karde iyən çı Fələstin həx-huğuği poymol bey barədə çı sionist reji i tojə siyasəton bənə canqiyə cinoyət hisob və əy məhkum kardən.
Əvon həmçınin sionist rejimi bənə cinoyət rejimi bənə cinoyətkor və işğal əkə elan və təkid kardən ki Fələstinədə jıqo cinoyəton tam çı Amerkə himoyəon sayədə əncom bedə.
İslamiyə həmkari liqadə uzv bıə mısılmonə kişvəron ali rəsmi şəxson ijən Donald Trumpi tərəfo Ğudsi bənə sionist rejimi paytəxt elan bey be etibor bə be foydə zınəşon bıən və əy bə Fələstin milləti tarixi həx-huğuğ, milli və təbiiyə ğanuni zidd hisob kardən.
Amerkə prezidenti dəvardə sori Dekabrə manqi ğəroli çərçivədə ım haftə çı Amerkə səfarətxanə Telaviviku bə şərifə Ğuds ovıştoniyə bəy ki ım hadisə çı Fələstin milləti etırozon iyən əsəbin bey bois bıə.
Fələstini millət həminə ğəroli rəsmən əməli bey bəpeştə etıroz aksiyaonədə iştirok kardən ki həminə hadisəonədə 60 nəfəriku vey bepənohə Fələstinıj de sionist rejimi sə rostə qolə........iyən 3 həzo nəfəri həm zəxmin bıən.
