Səudiyə təcavuzkoron həmlədə 7 nəfər Yəməni ğeyri hərbion kıştə bən.
Yəməni şimal Səədə sərhəddiyə ostanədə bıə Səudiyə təcavuzkoron de təyyarə bombardımoni nəticəku 7 nəfər ğeyri hərbi əcumlə 1 nəfər jen kıştə bıən.
Bə İrna zinə şəvi raporti əsos çı Yəməni Əlməsirə aqentiyəti kanali nəğliku Səudiyə hərbi təyyarəon Səədə ostani Ğəmər sərhəddiyə şəhri Əlğor məntəğədə 1 qılə kə bombardımon kardışone ki ım hədisədə 7 nəfər ğeyri hərbi əcumlə 1 nəfər jen kıştə bən.
Zinə ruji həm Yəməni Səədə, Təiz və Əlhodəydə ostanonədə bıə Səudiyə təcavuzkoron koalisiya artileria və avyasiə bombardımoni nəticəku bə 12 nəfər nezi ğeyri hərbi kışte və zəxmin bıən.
Ərəbiston de İ Bıə Ərəbon Əmirəti, Amerkə və sionist rejim iyən bəzi co mıttəhıdon 2015-nə sori Martiku bə Yəmən hərbi təcovuzi bino kardən ijən ım kişvəri zəmin, osmon və dıyoku mıhosirə kardən.
Yəmənədə Ərəbiston, İ Bıə Ərəbon Əmirəti və de əvon mıttəhid bıə məmləkəton cinoyəton xoto detosə bə ısət 14 həzo nəfəriku vey yəmənıj kışte, çandə 10 həzo nəfər zəxmin və çand milyon avarə bıən.
Ərəbiston və İ Bıə Ərəbon Əmirəti hərbi təcovuz həmçınin Yəməni fəğırə kişvəri de xorakion və dəvo-damoni şiddətinə nırəsey dim bə dimış kardə.
Çı Yəməni milləti mığoviməti sayədə Səudiyə rejim və çəy mıttəhidon ta ım zəmon bəştə hədəfon rəse(ıştə vabəstə şəxson bə ğudət rosniye) muvəffəğ bənin.
