Bəhreynı inğilabiyə rəhbəron bə ğətl rosneyu ale xəlifə bərnamə.

Bəhreynı islamiyə əməl nomo bıə cəmiyəti muavini votışe:ale xəlifə bəhreynı inğilabiyə rəhbəron bə ğətl rosneyu nəzminə bərnamonışon heste.

Şeyx Əbdullah Saleh zinə de Mehr aqentəti mısohibə əlavəş karde bəhreynı hukumət həmmişə bə ım məmləkəti inğilabiyə rəhbəron zid mincumlə bəhreynı yolə ruhani Şeyx İsa Ğasım iyən huğuğiyə fəal Nəbil Rəcəb və çandə 10 nəfər ruhani zid bə  insoniyəti zid hərəkəton  əncom dodə.

Şeyx Əbdullah Saleh votışe:bəhreynıjə şəhrvandon iyən çı məmləkəti diniyə alimony piyarış karde ale xəlifə rəsmi şəxson planədəy və bəhreynı rejim zindoniyon mualicə bə domo eğandeədə bə zindoniyon tədriciyə maq bois bedə.

Şeyx Əbdullah Saleh eyne holədə ərəbə rejimon de sionist rejimi əlağon adi kardeyu bə ale xəlifə rejimi rol işarəş karde və votışe:Bəhreyn Fars deyo məntəğədə yeqanə məmləkəte ki çəy məğamon bənə potşo(kral) vəliəhd və xariciyə koon vəzir de sionist rejimi məsul şəxson vindımonışon dəvoiyə.

əv ıştə sıxanon dəvomədə  əlavəş karde  bəhreynıjə məsul şəxson oşkoə holətədə bəhreynədə huzur pəydo kardeyu sionistiyə heyətonku dəvətışon kardə və ya bə israil səfər kardeyu heyətışon vığandə.

Bəhreyn 2011 minnə sori fevralə manqiku bə ale xəlifə rejimi zid cəmaəti inğilab karde meydon bə.

çı məmləkəti millət ıştə məmləkətdə ədoləti təşkil karde 2 dimə hərəkəton arəku şe iyən qıləy vıjniyə bə devləti bə ko ome domoədən.