İron çı sionist rejimi parlamenti rasistə loyhə məhkumış karde.

İron İslam Respublika xarıci vəzarətxanə sıxənəvot zinə şəv sionist rejimi parlamantədə(Knessetədə) yəhud kişvəri rasistə loyhə təsvib bey məhkumış kardə və votışe işğaliyə Fələstinədə Apartayd de Fələstini milləti cəhd və mığoviməti məhv və nabud bəbe.

Bə Fərs aqentiyəti raporti əsos, Bəhram Ğasımi izhor kardə: sionisti hərom və rasist rejim bə Fələstini işğal karde əsos və ə sərzəmini əsliyə soybon ğətliam karde vositə, soxtə bəy iyən ım rejimi parlamenti oxonə cəhd dəvardə 70 sori mıddətədə ım rasistə rejimi hərəkəton təsdığış kardə.

Ğasımi əlovəş kardə: sionist rejimiku Amerkə hətərəfiyə himoyət, ım kişvəri səfarətxanə bə Ğuds ovoştoniyero Trump dıvləti cəhdon, de Fələstini sərzəmini ğəsbkoron rabitə normal kardero kali ərəbiyə kişvəron cəhd ijən de beynəl xalğ ğanunon poymol karde hejo Fələstin məzlumə milləti kışte xoto ım rejimi cəzo nıkarde ısət səbəb bıə ki əvon Fələstini bənə yəhud sərzəmini zıne və fələstinıjon ğomi cəhəto məhv karde siyosətədə ziyod tələb və xəbis bıbun ki həlbətə ım məsələ məntəğədə be çimiku vey bestabiləti və noəmniyyəti bə vucud bəvarde.

İroni İslami Respublika xarıcə vəzarətxanə sıxənəvot de təkid bə ım ki rasisti və Apartayd əsr bə oxo rəsə izhor kadə: de Fələstin milləti mığovimət və mısılmonə cəmaəton iyən dınyo ozodpərvəron cəhdi işğaliyə Fələstinədə rasistəti həm nabud bəbe.

Çandə yolə etiroz aksiyaon sayədə Sionist rejimi parlemant pencşambə ruji "yəhud kişvəri" rasistə loyhə təsvib kardeşe.

"Yəhud kişvəri" rasistə ğanun, Fələstini çı sioniston sərzəmin zıneydə və  çı Fələstinıjon insoni iyən şəhrvandəti huğuğon məhrum bəkay.