İroni sanksiyaon barədə Tırkiyə bə Amerkə mənfiyə cəvobış do.

Tırkiyə xarıci vəzir votışe: Ankara İroni zidd sanksiyaon oko doe cərəyonədə mışoiyət karde bardə bə Amerkəvıjə heyəti tələbon mənfiyə cəvob doəşe.

Bə Təsnim aqentəti raporti əsos, Mıvlud Çavuş Oğlo, deşambə ruji de Cumhuriyət jurnali sohbətədə votışe: bə Amerkəvıjə vığqndə bıə heyət elan kardemone ki roni zidd bıə Amerkə loyhəon Ankarə dıvləti tərəfo təsdığ və ğəbul nibəbe boçiki əvon de beynəl xalğiyə ğanunon həmohənq nin.

Tırkiyə xarıci vəzir de İron bə həmkarion idomə təkid və əlovəş kardə, Tırkiyə bə İroniku nat hırye idomə bədoy iyən İroni əleyh Amerkəvıjə rəsmi şəxson səhvə siyasətonku himoyədorəti nıbəkarde.

Dəvardə haftə Amerkəku heyət de bə Tırkiyə paytəxti, Ankara səfər karde ım kişvəri siyasi və iğtisodiyə rəsmi şəxsonku tələb kardeşone ki İroni zidd sanksiyaon oko doe barədə Amerkəku himoyə bıkən, əmmo Tırkiyə rəsmi şəxson ım mıvzo rədd karde bəpeşt məsələ barədə çı Amerkəvıjə rəsmi şəxson niyyəton səhv iyən nadırıst zınəşone.