sioniston bə Ğəzzə hucumədə 3 qılə fələstinıj şəhid bedə.
Fələstinı səhiyə vəzorətxonə elanış karde sionist rejimi silahlinə ğıvvə artileriya hucumədə bə Ğəzzə şəhri şərğ Mələkə nomo bə məntəğə 3 nəfər şəhid və can nəfər həm yarəjə bedən.
Bə fələstinı məlumatərosnə mərkəzi elanon əsosi zinə əsrə vaxti ım daveon cəriyanədə sionist rejimi silahlinə ğıvvonku 1 nəfər fələstinı muğavimət mubarizon qullə ğandeədə bə Kisofim hərbiyə mərkəzi nezi yarəjə bedə.
sionistə hərbion eyneholədə Ğəzzə mərkəz Əlbəric laqerdi şərğ hissə iyən Ğəzzə cənub Rəfəh məntəğədə fələstinı muğaviməti çanqılə mərkəzi hədəf qətedən.
sionist rejimi silahlinə ğıvvon elanışon kardə fələstinı islamiyə muğavimət hərəkati(Həmas) mərkəzon bombardımon karde Ğəzzə şərğ hissədə təşkil bə.
sionist rejim 2017 minnə sori dekabrə manqiku bə Ğəzzə zid tojə həvoiyə hucumonış təşkil kardə.
bə Ğəzzə zid sionist rejimi hucumon tojə devrədə çandə həzo qılə fələstinıj şəhid və yarəjə bən.
