Ərdoğan: bə İroni zidd Amekə sanksiya siyosəton benəticəy.

Tırkiyə prezident, bə İroni iğtisodi vəome sanksiyaon və təziğon əsrin bey barədə Amerkə rəsmi şəxson təsəvoron qıləy səhvə xəyol zınəş be.

Bə İrna raporti əsos, Rəcəb Təyyeb Ərdoğan zinə mıxbıron cəmədə elanış kardə ım ki de İroni bə sanksiyaon və təziğon eğande vositə Tehroni təslim karde imkon bəbe, çı Amerkəvıjə rəsmi şəxson səhvə təsəvore ki hiç vaxt əməli nibəbe.

Tırkiyə prezident izhorış kardə, bə İroni zidd təziğon və sanksiyaon bə ım kişvər təsirış ni,çən Amerkə prezident çok əbi İroni vədə ıştə fikon və rəftoron əvəz kə.

Ərdoğan ijən Amerkəvıjə kişiş Andreu Brunsoni xoto Amerkə rəsmi şəxson tərəfo Tırkiyə təhdid karde barədə votışe: Amerkə bəpe bə Tırkiyə ədolətinə hıkmi ehtırom bınə və ım məsələku bənə bə Tırkiyə zidd sanksiyaon təsdığ kardero istifodə nıkə.

Amerkəvıjə kişiş Andreu Brunson de Qulen qrupi həmkari karde ittihomi və de Tırkiyə məhkəmə hıkmi Ezmir şəhrədə  bə kədə həbs məhkum bıə.