Tırkiyə prezidenti sıxənəvot: Ankara bə Amerkə sanksiyaon cəvob bədoy.

Tırkiyə prezidenti sıxənəvot təkidış kardə, Ankara bə Tırkiyə zidd bıə Amerkə harcurnə sanksiyaon zumandə cəvob bədoy.

Bə Royterz aqentiyəti raporti əsos, Tırkiyə prezidenti sıxənəvot, İbrahim Kalin zinə elanış kardə, bə Ankara dıvləti zidd Amerkə harcurnə sanksiyaon əv həm de kişişi Andro Brunsoni bəhonə ki Tırkiyədə bə Terroristiyə fəaliyəton iyən cəsosi karde mıttəhəm bıə, reaksiya nışo bədoy.

Tırkiyə milli Əmniyyət şura həm qıləy bəyoniyədə elanış kardə, bə Tırkiyə zidd təhdid ədəbiyot ki Amerkə rəsmi şəxson hejo istifodə kardedən bə 2 qılə kişvəri miyono rabitəon beehtıroməti karde mənoe.

Xəbə omə Tırkiyə qıləy məhkəmə Amerkəvıjə kişişi kəy həbsiku ozodəti tələbi rədış kardə.

Amerkə prezident Donald Trump tojədən bə Tırkiyə xəbədoəti doe ki əqə kişiş Brunson ozod nıkə, bə Tırkiyə əleyh Amerkə sanksiyaon de şiddəti icra bəbe.

Tırkiyə dıvlət 2016-nə sori Oktiyabr Andro Brunsoni de terroristiyə fəaliyət, cəsusi və iyən Fəthullah Quləniku himoyədorəti karde xoto, dəstqir və kədə həbsış kardə.

Ankara dıvlət Fəthullah Quləni çı Tırkiyə 2016-nə sori Yanvari 15ədə bıə benəticə hərbi peqardemoni amil zınedə.