Zərif: təhdid, sanksiya və təbliğatiyə məhorəton ijən nəticə nibədoy.

İroni xarıci vəzir zinə şəv Tvitterədə bə Amerkə prezident Donald Trumpi tojə jest de İroni rəsmi şəxson didor karde tələbi ijən bəyon karde, reaksiya nışoş do.

Bə Fars aqentiyəti raporti əsos, Muhəmməd Cəvad Zərif de təkid bə ım ki təhdid, sanksiya və təbliğotiyə məhorəton ijən nətinə nibədoy, izhorış kardə ki Amerkə fəğət karde bəzne ətomiyə sazışiku xarıc bey və muzakirə mizi tərk karde barədə ıştəni mığəsir bızno.

İroni xarıci vəzir bə Amerkə tovsiyəş kardə bə İroni millət və beynəl xalğiyə muğaviləon ehtırom bınə.

Trump deşambə ruji iddioş kardə ki de İron "be nav şərti" muzakirə kardeyro hozzətiş heste.

De İroni İslami Respublika Amerkə prezidenti əvomi bə dast dənoə muzakirər tələb və iddio qıləy holədəy ki Trump Mayə manqi 8 bə İroni zidd be əsosə ittihamon tikror karde, ətomiyə sazışiku Vaşenqton xarıc bey və ətomiyə sanksiyaon oqarde detosə omə manqon elanış kardə.

Trumpi ım hərəkət de daxili və beynəl xalğiyə zumandə məhkumiyət dim bə dim  bıə.