İron və Russiyə miyono tibbi təlimoti muğavilə imzo be.

İroni səhiyyə vəziri tibbiyə təlimon muavin, zinə İron İslam Respublika və Russiyə miyono tibbi təlimot muğavilə imzo beyku xəbəş do.

Bə İroni İsna aqentiyəti raporti əsos, Bağır Laricani işorəş kardə: bə ım muğavilə əsos İron və Russiyə həmkarion, tibbiyə təlimot, usto və tələbə mıbodilə karde baxşonədə vey ziyod be.

İroni səhiyyə vəziri təlimot muavin, tibbi sahəonədə İron və Russiyə rabitəon stratejik və dıroz mıddət zınəş be iyən əlovəş karde: 2 qılə kişvər mıvofiğ bıən ki tibbiyə təlim həmkarion bə nav barde xoto İron və Russiyə miyono mıştərəkə komitə icod bıkən.

Bağır Laricani ijən Russiyədə bə İroni ali məktəbi sə kardəyon iyən tələbəon huzur işorə və təkidış kardə: Russiyə tibbiyə unniversition bəpe İroni İslami Respublika səhiyyə vəzarətxonə təiyd bıə lozimə standarton rioyət bıkən.

Zinə Tehronədə İron və Russiyə federasiyə miyono tibbiyə təlimon bə nav bardey muğavilə imzo bey.

Im muğavilə İroni səhiyyə vəzarətxonə təlimon muavin Bağır Laricani və Russiyə səhiyyə vəziri muavin Demitri Kastenkov vositə imzo bıə.