İroni kovsər nomo hərbi bumiyə təyyorə.

İroni silohinə ğıvvon Avyasiya sənaye təşkilati yol qeneral Əbdul Kərim Bənitərəfi votışe: Kovsər hərbiyə təyorə 100 faiz İronədə de İroni zərfiyət iyən imkanaton soxtə bəy və karde bəzne zəminiyə canqon neziku bə hərbion komək bıbu.

Əv votışe: ım hərbi təyorə de veyə ğabeliyəton, elektronik mudernə imkanaton karde bəzne muxtəlifə bomba vırkton vırə bıkə.

İroni silohinə ğıvvon Avyasiya sənaye təşkilati yol qeneral Əbdul Kərim Bəni tərəfi bə Kovsər hərbiyə təyorə istisholi həmmə mərhələonədə çı İroni imkanat və təchizatonku istifodə karde təkidış karde və votışe: ım hərbi təyorə de bumiyə motoriku istifodə karde bə 17 milyon dollari nezi ğınoət bıə.

Əv bə dışmənon səy-cəhdon İroni ğudrəti kam nışo doe işorə və təkidış karde: İroni hərbi doktorin bə mudafiə əsos dəvom kardedə.

Im hərbi təyorə fəaliyəti bino bey mərosimədə İroni mudafiə vəzir qeneral mayor Əmir Hatəmi həm İroni mudafiə sənayeədə bıə İroni ğıvvon strateqiyaon bo stabilə əmniyyəti təmin karde çı milləti ıştəni bovə karde və milliyə izzət və fəxri karantiya zınəş be ki deşmən əvoni moşahidə karde sayədə hərbi təhdidi əməli karde zındə ni.

Imruj İronədə mudafiə sənaye ruj ğeyd bıə.