Miyonə dıyoədə hərbi hərəkəton ziyod bey bəpeştə Tırkiyə reaksiyaon. 

Miyonə dıyo şərğədə Tırkiyə hərbi qəmion iyən ğıvvon canqiyə vəziyətdən, ım şəroyet məntəğədə Amerkə qəmion hozzo peydo karde bəpeştə icod bıə.

Yeni Şəfəğ rujnomə elanış karde Suriyədə Edleb şəhri ozod karde əməliyoti Astanədə Tırkiyə hərbion həm komilə hozzıətəti şəroyetədən.

Im rujnomə bə Suriyə Amerkə və çəy mıttəhidon çəş nıkardə hərbi təcavuzi barde Russiyə notaon işorəş və ğeydış karde: Amerkədə Russiyə səfir Anatoli Antonof dəvardə pencşambə Suriyədə Amerkə ehtımaliyə hərbiyə əməliyoti barədə bə ım kişvəri rəsmi şəxson notaş do.

Amerkə de Fransə və Britaniya çımiku bə nav həm de Suriyə ərtışi tərəfo kimyabiyə silohon istifodə karde bəhonə bə ım kişvər rəketiyə huccum kardə bən. 

Im həmlə dəvardə sori April ijən Miyonə dıyoku çı Amerkə hərbib qəmion tərəfo əncom bıə be. 

Edleb, Suriyədə çı terroriston oxonə vırə və mərkəze. 

​​​