Suriyə 15 qılə di bəştə dast qəteyu Tırkiyə sənəd pesoxte.

Suriyədə bə insonə həxon nəzorətəkə mərkəzi elanış kardə Tırkiyə,Suriyə şimal ğərb Edleb ostanədə heç nıbo 15 qılə di malikiyəti bə dast vardeyu sənəd pesoxte holədəy.

Bə ərəbiyə skayniyoz TV kanali elanon əsosi suriyədə bə insonə həxon nəzorətəkə mərkəzi elanış kardə Tırkiyə de sənəd pesoxte və Suriyə şimaliyə məntəğonədə bəzi sənədon bə dast vardeədə idiaş kardə ım sənədon ,məntəğədə bə osmanion huzuri zəman oqardedə.

Bə ım xəbon əsosi Tırkiyə ğıvvon 2017 minnə sori bə Suriyə kırdon zid təşkil doə hərbiyə əməliyati nomo ısət Əfrin və Suriyə coqlə şimaliyə məntəğonədə vırəşon kardə.

Suriyə şimal ğərb Edleb ostan eyne holədə mıxtəlif terroristiyə qrupon dastədəy və Suriyə silahlinə ğıvvon çı məntəğəku cebhətulnusrə,İŞİD və coqlə terroristiyə qrupon beğandeyu hozzı bedən.