İroni nımoyəndə, karate beynəl xalğiyə liqaədə ğəhrəman bıə.

İroni karateist, Almaniya karate-1 beynəl xalğiyə liqa 6 minə mərhələ riğabəton qonə vəznədə tele medali kəsbış karde.

Bə Telerədio aqentiyəti zinə raporti əsos, Almaniya karate-1 beynəl xalğiyə liqa 6 minə mərhələ riğabəton 84 kiloqrəmi vəzni finalədə Səccad Qənczadə muvəffəğ be de 4 bə 0, 2014-nə sorədə bıə dınyo çempiyonati ğəhrəman, Qurcıstoniku karateçi məğlub karde, ım vəznədə tele medali soyb bıbu.

İroni nımoyəndə 84 kiliqrəm vəznonədə iyən ım mərhələku bənav muvəffəğ bıə be ki Amerkə, Tırkiyə, Kosovo və Xorvatiya nımoyəndəon məğlub bıkə.

Im riğabətonədə çimiku bənav, İroni co nımoyən 84 və 60 kiloqrəmiku bə kam vəznonədə bırınc medali bə dast vardə bıən.

Almaniya Berlinədə bıə karate-1 beynəl xalğiyə liqa riğabətonədə 72 qılə kişvəriku 763 karateist iştirok kardə bıən.