Əhvazədə terroristiyə həmlə amilon bə Əl-Əhvaziyə cərəyon vabəstən.

İroni Sepah təşkilati sıxanəvot votışe: İroni cənub ğərb, Əhvazədə silohinə ğıvvon parad mərosimi cərəyonədə bıə terroristiyə həmlə amilon ki bə cəmaət iyən silohinə ğıvvon tərəf qullə ğandışone bə Əl-Əhvaziyə terroristiyə qurupi vabəstəyonin.

Qeneral mayor Rəməzan Şərif bə ım terroristiyə qurupiku Ərəbıstoni himoyəon ışarəş karde və votışe: çəvon ım həmləku hədəf, İroni silohinə ğıvvon parad mərosimi əzəməti ğədə nışo doe be.

Sosiyal şəbəkəonədə həm Əl-Əhvaziyə terroşiyə qurup ım həmlə məsuliyəti ğəbulış karde.

Vəliye-Əsr nomo bıə Sepah fərmondə qeneral Həsəne Şahvarpur hm ım terroristiyə həmlə cərəyonədə 9 nəfəri şəhid iyən 21 nəfəri zəxmin beyku xəbəş do.

Əhvazədə vəziyət ısət çı əmniyətiyə ğıvvon extiyorədəy və məntəğədə oromətəti pərpo bıə.

Im terroristiyə həllə amilonku 2 nəfər həlok, i nəfər zəxmin və i nəfər həm dəstqir bıən.