Niyu-Yorkədə prezident Ruhani vindemonon.

Zinə, çı İroni prezidenti nıtği bə kəno detosə bə ısət Ağaye Ruhani Niyu-Yorkədə de muxtəlifə kişvəron rəsmi şəxson vindemon və muzakirəş karde.

İroni prezident zinə şəv de Amerkə mısılmononə cəmaəti rəhbəron vindemon karde votışe: İŞİD və Təkfiriyə terroriston bo İslam dini mehrəban və rəhmaniyə sima və obrazi yolə təhdidin.

Ruhani zinə əsr həm de Norveçi i-minə vəzir Əzna Solberq vindemoni cərəyonədə bəTehron Oslo miyono iğtisodi, elmi və texnoloqiya əloğəon inkişof təkidış karde.

İroni prezident de İnqiltərə i-minə vəzir Teraza Mey həm vindemonış be ım mıloğatədə Ağaye Ruhani terroristonku İnqil mediyaon təbliğiyə siyasəton və himoyəonış tənğid karde və votışe: həmmə kişvəron bəpe terrorizmi vədə zumand iyən həmohənq siyasətışon bıbu.

Əv bə ətomiyə sazışi çərçivədə İroni ğanuniyə rəftor və çı əvəzi Amerkə ğqyri ğanuni hərəkəton işorəş karde və bə Yəməni bohrani siyasəti royku həl karde həm təkidış ka.

Teraza Mey həm Əhvazədə terroristiyə hadisə məhkumış karde.

İroni prezident zinə de Amerkə CNN kanali həm mısohibəş do ım mısohibədə Ağaye Ruhani votışe: İron qıləy demokratik hukuməte ki hiç dıvlət və  ğudrəti kardey bəzne çı milləti vədə be mande.

Əv bə Amerkə rejimi orzo İroni hukuməti əvəz karde işorəş karde və təsdiğ ka: Amerkə ijən bənə Şah rejimi qıləy zəif və bənə əbzar çı Amerkə siyasəton ixtiyorədə bıə hukuməti İronədə pidəşone ki hiç faxt ım nəzər əməli ni bəbe boçi ki İroni millət hejo ğoym və zumand moğavimət bəkarde.

Həsən Ruhani həmçınin zinə İ Bıə Milləton Təşkilati iclosi kənoədə de Fransə prezident Emanoel Məkron həm vindemonış karde və ım vindemonədə ətomiyə sazışiku Amerkə xaric bey bo beynəl xalğ iştimaiyəti qıləy yolə xətər hisobış karde ki beynəl xalğ ğanuni ləğv karde kənoədə çı Amerkə i tərəfiyə siyasətonku hikayət kardedə.

Həsən Ruhani terrorizmi bo dınyo əmniyyət qıləy təhdid zınəş be ki məntəğə və dınyoədə çı Arku barədə xoto əloğəon inkişofi lozime.

Məkron həm İronış məntəğədə qıləy yolə kişvər zınəş be və votışe: həmkarion bəpe de terrorizm mubarizə barədə iyən i tərəfiyə siyasəton vəy qətəro dəvom peydo bıkə.

Ruhani de Belçika i-minə vəzir vindemon karde həm ətomiyə sazışi oqətə məsoliyəti qıləy beynəl xalğiyəku zınəş be ki Avropa İ Bemoni vədə bənə yolə imtovone və bəpe Avropa ım sahədə əməliyə hərəkəton əncom bıdə.

İroni prezident həmçınin de Ermənistoni i-minə vəzir vindemoni cərəyonədə İron və Ermənistoni miyono əloğəon miğdori çok hisobış karde və təsdiğış ka: iğtisod sahədə həm ım həmkarion bəpe ziyod bıbu.