Ərdoğan votışe: Cəmal Xaşeğci sərnıvışti barədə təhğiğ bəbe.

Tırkiyə prezident bə Ərəbistonıjə jurnalist Cəmal Xaşeğci sərnıvışti barədə təhğiğ karde təkidış ka və votışe: rəsmi şəxson çı kəmeraon filmon təğib karde holədən iyən ım məsələ barədə təhğiğ vey ali səviyədə dəvom kardedə.

Bə İrib raporti əsos Ərdoğan çı Ərəbistoni ım jurnalisti bənə ıştə dust hisobış karde və təkidış ka: Tırkiyə prokrorti vey dəğiğ ım mıvzo barədə təhğiğ karde holədəy və rəsmi nəticəon elan bəbe.

Tırkiyə prezident ijən votışe: Ankara dıvlət detosə bə ısət Ərəbistoni ım be ğanunə hərəkəti barədə tikəy nam be əmmo ısət reaksiyaon ciddi bey vağte.

Ərəbistonıjə muxalifə jurnalisti cənozə zinə qıləy holədə ki tikə tikə be ijən çəy bədənədə işkəncəon əsər və nışonə kamilən oşko be İstanbuli ətrofədə peydo be.

Əv ki ıştə pasporti idoriyə ko əncom doe xoto çand ruj bənav bə Ərəbiston sərkonsul şə be Ərəbistoni təğib və dəstqir siyahidə çı nom ğeyd bıə be.