Səudiyə şəhzadə ərəbıstonı millətış bə ğiyam dəvətış karde.

Səudiyə şəhzadə ıştə millətiku tələbış karde əqər Cəmal Xaşuğçi terror be subut bıbo,mədəniyə itaət nıkarde royku ərəbıstonədə siyasiyə şərayeti əvəz kardeyu iştirak bıkən.

Jurnalist Cəmal Xaşuğçi oktiyabri 2 nə ruji Tırkiyə Stanbul şəhrədə bə ərəbıstonı konsol mərkəzi daxil be bəpeştə qin bə.

mediyaon pəynə elanışon kardə ki  Xaşuğçi cənazə qıləy holədə  ki əvışon ancə be və  veyə işkəncə rizon çəy cənazədə vində bə,pəydoşon kardə.

Xaşuğçi nom ale səud rejimi,dastqir bıə kəson siyahiədə bə ki çəy təğibədə bən və  əv dastqir be tarsiku ərəbıstoniku bə kəno jidə be.

Bə telerədyo aqentəti xəbon əsosi şəhzadə Xalid bin Fərhan ale səud ale səudı ailəku co bə de Əlhəvar TV kanali votımonədə votəşe:səudiyə vəliəhd Muhəmməd Bin səlmanı bə ğıvvə rəseku Ərəbıston mıxtəlif cəhətonədə bə siyasəton əvəz be şohid bə ki daxili muxalifon dastqir kardeku kəno  livani 1 minnə vəzir Səd Həriri həm ərəbıstonədə dastqir bə.