Əfganıstoni Ğəndeharədə bıə terroristiyə həmlə tələfot ziyod be. 

Çı Əfganıstoni Ğəndehar ostandar, polis fərmondə iyən milli əmniyyət idarə rəis zinə silohinə hucuməkəyon həmlədə kıştə bıən.

Bə Kabuliku Telerədio aqentiyəti raporti əsos, həmlə nəticədə ki Ğəndehari ostandari binaəd əncom be ım şəhri 3 qılə ali rəsmi şəxson yəni Əfganıstoni Ğəndehar ostandar Zulmey Visa, polis fərmondə qeneral Əbdul-Rəzzağ iyən milli əmniyyət idarə rəis Əbdul Momen Hussein Xil həmçnin çın viloyəti dıvlətiyə televeziya kanali təvir kadron əkəş kıştə bıən. 

Im həmlədə ki Əfğanıstoni məclesi səçıni astanədə əncom be, 2 qılə Amerkəvıjə hərbion və Əfğanıstoni şərğədə ərtış hərbion kamandan zəxmin bıən, əmmo NATO ğıvvon kamandan qeneral Skatt Miller ım həmləku nicot peydoş karde. 

Votey bıdə ki həmlə amil çı Ğəndehari ostandari hifzəkə qardi qıləyni be. 

Im silohinə həmlə nımoyəndəon məcles səçıni əmniyyəti təmin kardey barədə əmniyyətiyə iclosi bəpeştə əncom be.

Taleban, ım həmlə məsuliyəti ğəbulış karde. 

​​​​