Xaşoğci bə ğətl rosniyə kəsonku tojə şikilon nəşr bən.
Tırkiyə Səbah nomo bıə rujnamə cumə ruji səudionku qıləy qrupi tojə şikili nəşr kardə ki İstanbulədə bıə ərəbıstoni konsol mərkəzi dılədə ale səud rejimi siyasəton tənğidəkə journalist Cəmal Xaşoğci bə ğətl rosneyu bəvon şək bardəşone.
Bə Fars aqentəti cumə rujnə xəbon əsosi Tırkiyə Səbah nomo bə rujnamə nıvıştəşe Tırkiyə əmniyyətiyə ğıvvon səudiyə ərəbıstoni qıləy qrupi uzvonış kəşf kardə ki kəmeraonku kəşə bə filmon nışon dodən ım odəmon ki 2018 minnə sori oktiyabri 1 minnə ruji İstanbulədə bə ərəbıstoni konsol mərkəz daxil bən pəynə İstanbuliku bə Ərriyad şən.
Im rujnamə nıvıştedə səudiyə ərəbıstoni ım qrupiku 2 qılə uzv ki Xaşoğci bə ğətl rosneyu bəvon şək heste Mənsur Əbu Huseyn və Nayef Ələrifi 2018 minnə sori oktiyabrə manqi 1 minnə ruji saat 16:14 de qıləy xususiyə təyyarə və 3 nəfər həm de Muhəmməd Əlhosavi, Xalid Əlhotabi və Məşəl Əlbostani nomon oktiyabri 2 nə ruji sıb saat 1:52 Tırkiyə İstanbul şəhrədə bə Ataturk aeroport daxil bə bin.
Həminə cəhətdə pəynə Tırkiyə Səbah rujnamə səudiyyə zabit Mahir Əbduləziz Motribı şikili nəşr kardə ki Xaşoğci bə ğətl rosneyu həmməysə ve bəy şək bardedən.
