Xaşeğci ğətli barədə dınyo reaksiya di, əmmo şiddətin be. 

İroni xarıci vəzir, Səudiyə muxalifə jurnrlisti ğətli barədə dınyo umum fikon reaksiyaon di, əmmo şiddətin Zınəş be. 

Bə İrna raporti əsos Muhəmməd Cəvad Zərif ıştə tojə mısohibədə Ərəbistoni əsli himoyə əkə, Amerkə zınəş be və təsdiğış karde ki ım himoyə fəğət məntəğədə hərc-mərc iyən bıhrani bois bıə. 

Cəmal Xaşeğci ğətli barədə co qılə xəbə omə ki Tırkiyə milli hərəkati partiya lider zinə şəv təkidış karde ki Ərəbistoni Vəliəhd ım ğətlədə dastış be iyən həmkariş karde.

 Bə Əlaləm raporti əsos Dıvlət Bağçəli həmçınin təkidış karde ki Tırkiyə bəpe ıştə dust və deşmənon bəzno iyən çı Cəmal Xaşeğci ğətli amilon peydo və cəzo bıkə.

Qılə holədə ki zinə qıləy Ərəbiyə mediya Səudiyə muxalifə jurnalist, Cəmal Xaşeğci cənozə peydo beyku xəbə doeş be əmmo Tırkiyə milli televeziya ım iddioş rədd karde və elanış karde ki hələ çı Cəmal Xaşeğci cənozəku hiç xəbə ni. 

Siyasi koşınason nəzəriku Cəmal Xaşeğci ğətli macəra bo Amerkə qıləy tojə bəhonəş bə vıcud varde ki Ale Səud rejimiku ijən bac bestenon. 

Tırkiyə prezident Rəcəb Təyyeb Ərdoğan həm zinə Səudi hukumətiku tənğidəkə jurnalist Cəmal Xaşeğci ğətli barədə təkidış karde ki ım macəra çımiku bə nav çəy plan kıştə bıə be və Ərəbistoni kəşfiyat iyən əmniyyəti məmoron çı amil bən. 

Ərəbiston 3 haftə ım macəra barədə duvəvojəti bəştə bə Cəmal Xaşeğci kıştə etırofış karde ki əmələn bo ım rejim tojə bıhroni bois bıə. ​​​