İroni səfir dınyoş bə Haaqə məhkəmə hıkmi icra kardey dəvətış ka.

İ Bıə Milləton Təşkilatədə İroni daimə nımoyəndə Amerkəku İroni şikayəti barədə, dınyoş bə ədliyə beynəl xalğiyə məhkəmə hıkmi icra kardey dəvətış ka.

Bə İrna raporti əsos, Ğolaməli Xoşru, zinə əsr İ Bıə Milləton Təşkilati umumiyə icmaədə ki de ədliyə beynəl xalğiyə hıkmi mıvzo barədə be, co dıvlətonku tələbış kardə ki anti insoni və beğanuniyə məhdudiyəton əncom doey barədə bə Amerkə koməkəti kardeku bə kəno bıbun boçiki kişvəron həmroəti bə Haaqə ğəroli dəqordıniye bois bəbe və bə taxsirkor dıvləti komək kardey hisob bıdə.

Xoşru ətomiyə təvafuği qıləy çand tərəfiyə diplomatiyə muhimmə nəticə zınəş be ki İ Bıə Milləton Təşkilatə Əmniyyət Şura əvış təsdığ kardə və əlovəş do: Əmniyyət Şura 2231 ğətnomə bə de İron ticari və iğtisodiyə rabitəon inkişof təkidış kardə və həmmə ozv bıə dıvlətonku tələbış kardə ki ətomiyə təvafuği icra bıkən.

İ Bıə Milləton Təşkilatədə İroni daimə nımoyəndə idoməş doə: ım qıləy fociəy ki Amerkə kişvəron hakımiyəti məhəl dodə ni və əvoni nə bo Əmniyyət Şura ğətnomə dəqordıniye bəlkəm bo ğətnoməon icra karde təhdid və tənbe kardedə.

Xoşru ədliyə beynəl xalğiyə məhkəmə ğəroli bə İroni millət və kişvəri zidd Amerkə sanksiyaon ğanuni nıbey şəhodət dodə və təsdiğış karde: Haaqə məhkəmə ıştə hıkmədə təsdiğış kardə ki ım ğərol bo dave tərəfon beynəl xalğiyə huğuği təəhhudon icod kardedə.

Ğulaməli Xoşru işorəş kardə: Amerkə bə məhkəmə hıkmi icra karde məcbure və bə ım ğəroli pobənd nıbey bo Vaşenqtoni beynəl xalğiyə məsuliyəti bois bəbe.

Ətomiyə sazışiku Amerkə xarıc bey və bə İroni zidd Amerkə ətomiyə sanksiyaon oqırdıniye bəpeştə, Tehron Vaşenqtoniku ədliyə beynəl xalğiyə məhkəmədə şikayətış kardə.

Ədliyə beynəl xalğiyə məhkəmə 2018-nə sori Oktiyabri 3 de ım xəbə elan karde ki Amerkəku İroni şikati barədə təhğiğ karde səlohiyətışe bə İroni zidd bıə Amerkə nti insonə sanksiyaon əcumlə damon, ğəzo və avyasiya bzxşonədə bıə sanksiyaon bəpe ləğv bıbun.