Səy iyən cəhdon bo İronıjə sərhəd məmuron ozod karde dəvom kardedə. 

İroni xarıci vəzir votışe: İronıjə sərhəd əsqəron ozodəti xoto Pakiston bə cəhdon dəvom kardedə. 

Bə İrna raporti əsos, İroni xarıci vəzir ımruj Pakistonədə təkidış karde ki Mircave sərhəddiyə məntəğədə İronıjə məmuron ozodəti xoto Pakistoni rəsmi şəxson bə həmkari və səy cəhdon dəvom vəədə doəşon ki de diğğət bə 2 qılə hamsoyə kişvəron miyono mıvcudə əloğəon əmə bə koon nəticə vey umidəvomon. 

Muhəmməd Cəvad Zərif ım məsələ barədə bə 2 qılə kişvəri miyono votımonon dəvom karde əhəmiyyət işorəş ka. 

İroni Xarıci vəzir ımruj qıləy siyasi və hərbi heyəti bə i co bə İslam Abad varid be. 

İroni xarıci vəzir ımruj de Pakistoni xarıci vəzir həm vindemonış karde. 

Oktiyabri 15 İroni Mircavə sərhəddiyə məntəğəku 12 qılə İronıjə əsqəron de anti İslam və terrorist qrupon tarso və əməliyot iyən hucumi dızdiyə bıən və bə Pakistoni zəmin ovoştoniyəşone.