D8 kişvəron xarıci vəziron iclos Tırkiyədə bino bıə. 

D8 nomo bıə qrupi xarıci vəziron iclos de İroni xarıci vəziri iştirok Tırkiyə Antaliya şəhrədə bino be; Muhəmməd Cəvad Zərif zinə əsr bə Tırkiyə varid be. 

Bə İrna raporti əsos Tırkiyə xarıci vəzir ım iclosi i minə rujədə bə D8 qrupi koşınasiyə iclosədə təsdiğ bıə ğərolon işorəş karde və votışe: dollar və avro əvəzi çı milliyə və alyotaonku istifodə karde bəpe xarıci ticarətədə qıləy pey ri ri və ret bıbu. 

Molod Çavoş Oğlo bə Tırkiyə, İron, Rusiyə, Çin və Okraniya miyono de milliyə və alyotaon ticarət karde prossesi bino bey təkidış karde və tələb kardışe ki D8 qrup karde bəzne de həminə metodon iğtisodi ciddi təhdidon vədə bemande. 

Zinə çı D8 qrupi xarıci vəziron iclosi bənav 8 qılə kişvəri koşınason iclos bərpo be ta ımroj çı təsdiğ bıə loyhəon ımruj təğib bıbu. 

D8 nomo bıə qrup bə inkişofi tərəf hərəkətəkə 8 qılə islamiyə kişvəron yəni İron, İndoneziya, Bənqeladeş, Pakiston, Tırkiyə, Mesr, Malaziya və Niqriyak iborət ben ki de diğğət bə çəvon nıfuz dınyo ticarət sahədə və islami zumandə iğtisodon xıvand bıə islamiyə kişvəron miyono əloğəon hevojəti xoto bino bıə. 

D8 qrupədə uzv bıə kişvəron miyono ticarəti miğdor 150 milyard dollar elan bıə.