Moskva sulh muzakirəonədə Taleban həm iştirok bəkarde.

Ğətərədə Talebani siyasiyə şobə elanış karde ki ım qrupi nımoyəndəon Moskva sulh muzakirəonədə iştirok bəkan ta Əfğanıstani oxonə vəzyət, canqi bə oxorosniyə iyən ım kişvərədə əmniyyəti çoknə bərpo karde barədə ıştə vindemoni elan bıkən ım qılə holədəy ki çımiku bənav Taleban sulh muzakirəonədə iştirok karde bə ım kişvərku xarıci hərbion xaric bey vabəstə və rabitə zınəş be.

Xəbə omə ki Əfğanıstani sulh aliyə şura rəis stefaş doe.

Əfğanıstaniku co qılə xəbə omə ki İ Bıə Milləton Təşkilat ım kişvərədə bərpo bıə tojə səçıni əyyomədə ğeyri hərbi kıştə bıə kəson miğdori 56 nəfər elanış karde.

Tojədən Ərzqan Viloyetədə Talebani həmləon vəy nı qəte iyən ğeyri hərbion kıştə vədə mane nıbey xoto Əfğanıstani milli vəhdət dıvləti icra bıə rəis Əbdullah Əbdullah dıvləti siyasətonış tənğid karde Əfğanıstani bəşər həxon kamissiya həm ım məsələ barədə Notaş do.

Qılə holədə ki Nato təşkilati rəis qıləy çəş nıkardə səfər çərçivədə bə Əfğanıstan ome əmmo Əfğanıstani prezident məvuji jıqo iddioş karde ki ım kişvərədə əmniyyətiyə ğıvvon bə Amerkə və ya xot Nato vabəstə nin və ıştən karde bəznen əmniyyəti təmin bıkən.

Xəbə omə ki Fəra Viloyetədə Əfğanıstani qıləy sərhəddiyə poston de Talebani həmlə işğal bıə.

Əfğanıstani Ğəzəni Viloyetədə həm xəbəon çı Talebani hevujə huccumiku hikayət kardedə.