Bo Əfğanıstoni əmniyəti oqətero lozımə tədbiron.

Əfğanıstoni prezidenti 2-nə muavin Sərvər Daneş ımruj qıləy bəyoniyədə ım kişvəri bəzi məntəğəon noəmnə vəzyəti barədə votışe: dıvlət ım kişvəri əmniyyəti oqəte iyən Talebani həmləon vəy qəte xoto bəştə cəhdon əlovə bəkay. 

Im qılə holədəy ki Əfğanıstoni sənat məclesi rəis Fəzlulhadi Muslim Yar tojədən Əfğanıstoni əmniyyətiyə vəzyəti barədə ıştə niqərani elanış karde və votışe: bo Talebani həmləon vəy qəte əfğaniyə əmniyyəti və kəşfiyat rəsmi şəxson zəifəti ğəbol kardə nin ni. 

Çand ruje ki əfğaniyə cəmaəton ım kişvərədə bə Talebani həmləon dəvom karde ıştə etırozi elan karde xoto etıroz aksiyaon dəvomiyəşon əvon hətto prezidentəti saray vədə həm qırdə bıən. 

Zinə İroni xarıci əloğəon stratejikə şura rəis bə Əlaləm xəbəiyə kanali moxbir votışe: 17 sor Əfğanıstonədə Amerkə huzuri bəpeştə nı ın ki ım kişvər əmn bə ni bəlkəm har ruj noəmnə vəzyətiş qıvonin bıdə. 

Koşınason həm Əfğanıstonədə Amerkə cəhd və şoaron ım kişvərədə ıştə hərbiyə huzuri dəvom karde xoto hisob kardedən. 

Xəbə ome ki dəvardə rujonədə çandə Amerkə rəsmi şəxson Əfğanıstoədə ım kişvəri muxtəlifə rəsmi şəxson vindemon kardəşone ım qılə holədəy ki Ğətərədə bıə Talebani siyasi şubə yol Şir Muhəmməe Əbbas Stankezi elanış kardə ki Əfğanıstonədə noəmnə vəzyəti əsliyə amil Amerkə və Əfğanlstoni dıvləti siyasətonin əvon ım kişvərədə DAEŞ-i zumand karde fikədən. 

Taleban qrupi uzvon ıştə tojə həmləonədə Bəğlan viloyətədə 12 nəfər hərbi kıştəşone. 

Ğəzəni viloyətədə həm Malıstan nomo bıə şəhr de Talebani huccumi vositə işğal be. 

Im qılə holədəy ki Nənqərhor viloyətədə Əfğanıstoni hərbion bə DAEŞ-i bəzi bazaon hucum kardəşone. 

Dəvardə rujonədə 85 qılə terrorist həm Əfğanıstoni hərbion əməliyatonədə muxtəlifə məntəğəonədə 7 qılə ğeyri hırbi həm Pektiya viloyədə Amerkə bepilotə təyyorəon hucumədə kıştə bıən.