Bə Ərəbistoni siyasəton iyən cinoyəton etıroz karde xoto Ankaradə aksiya. 

Tırkiyə Ankara şəhri muxtəlifə cəmaəton ım şəhrədə bıə Ərəbistoni səfarətxonə tono bə Yəmənədə bıə Ərəbistoni cinoyət iyən qenosidi dəvom karde etıroz karde qoronə aksiya dəvonişone. 

Bə İrib raporti əsos etırozəkəyon de pelakartoni Yəməni hırdənonku iborət bıə şikilon dast qəte de Yəməni məzlumə millət həmdardi kardəşone iyən de bə Ərəbistoni Ali-Səud rejimi şuar doe Yəmənədə Ərəbiston rejimi həmləon vəy qəte və cinoyəti oroxniyə tələb kardedəşone. 

Bənə ım aksiya İstanbulədə həm bərpo be. 

Beljikadə həm Yəmənıjə şəhrvandon Bruselədə bıə Ərəbistoni səfarətxonə vədə deştə etıroz aksiyaon, bə Yəməni zid Ərəbistoni cinoyəti vəy qəte zəroriyət təkid kardəşone.

Ərəbiston de İ Bıə Ərəbon Əmirəti, Amerkə və sionist rejim iyən bəzi co mıttəhıdon 2015-nə sori Martiku bə Yəmən hərbi təcovuzi bino ijən ım kişvəri çı zəmin, osmon və dınyoku mıhosirə kardəşone.

Bə yəmənı zidd Ərəbıston və İ bə ərəbə əmirəti iyən çəvon şərikon canq desbə ısət 16 həzo nəfəriku vey yəmənıji şəhodət və çand da həzo nəfəri yarəjə bey iyən çandə milyon nəfəri avərəti bois bə.